نہال ہاشمی کی خالی سینیٹ نشست پر اسد اشرف کامیاب

مسلم لیگ ن کے نااہل ہونے والے سینیٹر نہال ہاشمی کی خالی نشست پر پنجاب اسمبلی میں آج ووٹنگ ہوئی، جس کے غیر حتمی اور غیر سرکاری نتائج کے مطابق مسلم لیگ ن کے حمایت یافتہ آزاد امیدوار ڈاکٹر اسد اشرف کامیاب قرار پائے ہیں۔
پنجاب اسمبلی میں آج سینیٹ کی خالی نشست پر صبح 9 بجے سے شام 4 بجے تک ووٹنگ ہوئی، جس میں وزیراعلیٰ پنجاب میاں شہباز شریف کے علاوہ دیگر اراکین اسمبلی نے بھی حصہ لیا اور اپنا ووٹ کاسٹ کیا۔
ریٹرنگ افسر نے دو اراکین ملک وحید اور ثوبیہ انور کے ووٹ مسترد کردیے، مہر لگانے کے بعد ووٹ صوبائی وزیر کو دکھانے کے الزام میں وحیدگل کا اور ووٹ پر غلط نشان لگانے پر ثوبیہ انور کا ووٹ مسترد کردیا گیا ، حزب اختلاف کی جانب سے ملک وحیدکے اس عمل پر احتجاج بھی کیاگیا۔
مذکورہ نشست پر ن لیگ کے حمایت یافتہ آزاد امیدوار ڈاکٹر اسد اشرف اور پی ٹی آئی کی ڈاکٹر زرقا تیمور میں مقابلہ تھا ادھر پاکستان پیپلز پارٹی نے اس نشست پر پولنگ میں حصہ نہ لینے کا اعلان کیا تھا۔
پولنگ کے غیر حتمی اور غیر سرکاری نتائج کے مطابق ن لیگ کےحمایت یافتہ امیدوار ڈاکٹر اسد اشرف نے 298ووٹ حاصل کیے جبکہ ان کی مد مقابل پی ٹی آئی امیدوار ڈاکٹر زرقا تیمور نے 38ووٹ لیے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: