الاٹیز کی شکایات، متعدد رہائشی اسکیموں کے لائسنس منسوخ

سندھ بلڈنگ کنٹرول اتھارٹی حیدرآباد ریجن نے الاٹیز کی شکایات پر متعدد رہائشی اسکیموں کے لائسنس منسوخ کر دئیے۔
ترجمان کے مطابق الاٹیز کی متعدد شکایات، وقت پر قبضہ نہ دینے اور محکمہ کے قواعد و ضوابط کی خلاف ورزی پر میسرز پیرا میڈ ہاؤسنگ سروسز بذریعہ مونیہ فاروقی زوجہ واجد حسین فاروقی اسپانسر آف پروجیکٹ ”ماہم ریزیڈنسی“ پلاٹ نمبر B-04 گلستان سجاد ہاؤسنگ اسکیم دیہہ جامشورو تعلقہ قاسم آباد حیدرآباد اور میسرز کریٹیو کنسٹرکشن کمپنی بلڈرز اینڈ ڈیولپرزکا بلڈر بذریعہ مونیہ فاروقی زوجہ واجد حسین فاروقی اسپانسر آف پروجیکٹ ”فنٹاسی اپارٹمنٹس“ پلاٹ نمبر B-01 اور B-02 گلستان سجاد ہاوسنگ اسکیم دیہہ جامشورو تعلقہ قاسم آباد حیدرآباد کے بلڈرز لائسنس فی الفور منسوخ کر دیئے گئے ہیں۔
سندھ بلڈنگ کنٹرول اتھارٹی حیدرآباد کی جانب سےعوام کو مشورہ دیا جاتا ہے کہ کسی بھی پروجیکٹ اسکیم میں بکنگ یا خریدو فروخت سے قبل سندھ بلڈنگ کنٹرول اتھارٹی واقع سوک سینٹر ٹھنڈی سڑک حیدرآباد سے معلومات حاصل کرلیں بصورت دیگر ادارہ کسی بھی قسم کی بکنگ یا لین دین میں ثالث کا کردار ادا نہیں کرے گا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: