ن لیگ نے اداروں کیخلاف بولنے کیلئے سینیٹ ٹکٹ کی پیشکش کی

عائشہ گلالئی نے مسلم لیگ ن پر الزام عائد کرتے ہوئے کہا ہے کہ اداروں کے خلاف بولنےکے لیے انہیں سینیٹ کے ٹکٹ کی پیشکش کی گئی تھی۔

اسلام آباد میں پریس کانفرنس کرتے ہوئے عائشہ گلالئی کا کہنا تھاکہ عمران خان اپنے پاؤں پر کلہاڑی مارتے ہیں، لیکن نوازشریف تو عمران خان سے بھی زیادہ خطرناک ہیں۔

گلالئی نے سابق وزیراعظم پر الزام لگاتے ہوئے مزید کہا کہ نواز شریف نے پورے ملک کا اسکریپ اکٹھا کرکے فیکٹری بنائی اور دولت سمیٹی۔ انہوں  نے کہا کہ مریم نواز کو مانسہرہ جانے کے لئے ہیلی کاپٹر مل جاتا ہے، کیا یہ ہوتی ہے عوامی سیاست؟۔

عائشہ گلالئی نے کہا کہ وقت آنے پر میں ٹکٹ دینے والے ن لیگی کا نام بھی بتا دوں گی۔ ان کا مزید کہنا تھا کہ میرے نزدیک اداروں کے خلاف بات کرنا بغاوت کے زمرے میں آتا ہے۔

عائشہ گلالئی نے کہا کہ نوازشریف یہ سمجھتے ہیں کہ عدلیہ کسی اور کو پکڑے تو کوئی بات نہیں، بس مجھے نہ پکڑے۔فیض آباد دھرنے سے متعلق ان کا کہنا تھا کہ جب فوج نے دھرنا ختم کرایا تو انہوں نے فوج کو بدنام کرنا شروع کر دیا۔

دوسری جانب عائشہ گلالئی کی پریس کانفرنس پر ردعمل دیتے ہوئے پی ٹی آئی رہنما فواد چوہدری کا کہنا تھا کہ پاناما فیصلہ آنے کے بعد ن لیگ نے عائشہ گلالئی کو استعمال کیا، لگتا ہے ن لیگ نے عائشہ گلالئی سے کئے گئے وعدے پورے نہیں کئے۔

فواد چوہدری نے کہا کہ سیاسی مخالفین کے خلاف غیر اخلاقی مہم چلانا ن لیگ کا وطیرہ ہے، عمران خان کے خلاف بھی ن لیگ نے 1996 میں مہم چلائی تھی۔

 

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: