چیمپئنز ٹرافی2021، بھارت سے میزبانی چھننے کا امکان

دبئی میں جاری انٹر نیشنل کرکٹ کونسل کے اجلاس میں اہم فیصلے متوقع ہیں۔
جمعہ کو انٹر نیشنل کرکٹ کونسل نے واضح کیا کہ 2021 میں بھارت میں شیڈول آئی سی سی چیمپئنز ٹرافی کی میزبانی بھارت سے چھین کر اس جیسے ٹائم زون والے ملک کو دی جاسکتی ہے اور اس طرح بھارت 2021 کی میزبانی سے محروم ہوسکتا ہے۔
رپورٹ کے مطابق آئی سی سی اور بھارتی بورڈ بھارتی حکومت کی ٹیکسس اسکیم سے متاثر ہے، جس کے باعث بہت زیادہ منافع بھارتی حکومت کی جیب میں چلا جائے گا۔
اجلاس میں بھارتی بورڈ کے نمائندوں نے آئی سی سی کو یقین دلایا ہے کہ وہ آئی سی سی کے ساتھ مل کر بھارتی حکومت کو قائل کرنے کی کوشش کریں گے کہ چیمپئنز ٹرافی جیسے ایونٹ کے لئے گورنمنٹ اپنے قانون میں تبدیلی کرےتاہم اگر حکومت نہ مانی تو یہ مقابلے کسی اور ملک منتقل ہونے کا امکان ہے۔
دریں اثنا بنگلہ دیش اور افغانستان کے درمیان اس سال شیڈول سیریز کی میزبانی بھارت کرے گاجبکہ رپورٹ کے مطابق بنگلہ دیش کی افغانستان کے خلاف ون ڈے اور ٹی20 سیریز جون میں ہونی ہے۔
ادھر بنگلہ دیش کی اوے سیریز کے لئے افغان کرکٹ بورڈ کے عرب امارات بورڈ سے مذاکرات ناکام ہوگئے ہیں، جس کے بعد افغان بورڈ نے بھارت کے ساتھ معاملات طے کرکے اپنی ہوم سیریز بھارت میں کھیلنے کا فیصلہ کرلیا ہے۔

Leave a Reply

Your email address will not be published.

x

Check Also

مریم نواز کو سمیش کرنے کی دھمکی دینے والا میجر جنرل عرفان ملک سپر سیڈ

پاک فوج میں تین میجر جنرلز کو ترقی دے کر لیفٹننٹ جنرل بنا دیا گیا ...

%d bloggers like this: