پاکستان انڈر 19 ورلڈ کپ کے سیمی فائنل میں پہنچ گیا

آئی سی سی انڈر 19 ورلڈ کپ کے کوارٹر فائنل میں پاکستان نے جنوبی افریقہ کو شکست دے کر سیمی فائنل کے لیے کوالیفائی کرلیا۔

جنوبی افریقہ کے 190 رنز کے ہدف کے تعاقب میں پاکستان نے مڈل آرڈر بیٹسمین علی زریاب خان کی پر اعتماد بیٹنگ کی بدولت ہدف 48 ویں اوور میں7 وکٹوں کے نقصان پر حاصل کر لیا۔

پاکستان کی جانب سے علی زریاب خان ناقابل شکست74 رنز کے ساتھ ٹاپ اسکورر رہے، جبکہ محمد زید عالم 15، روحیل نذیر 23 ، عماد عالم 9، کپتان حسن خان 14، محمد طحٰہ 9 ، سعد خان 26 ، محمد موسیٰ صفر اور شاہین شاہ آفریدی نے ایک رن بنایا۔

میچ میں فتح نے پاکستان کو سیمی فائنل میں پہنچا دیا جبکہ جنوبی افریقہ انڈر 19 ٹیم ایونٹ سے آؤٹ ہوگئی۔

نیوزی لینڈکے شہر کرائسٹ چرچ میں کھیلے گئے میچ میں پاکستان نے ٹاس جیت کرجنوبی افریقہ کو پہلے کی دعوت دی، جس پر جنوبی افریقہ نے مقررہ 50 اوورز میں 9 کھلاڑیوں کے نقصان پر 189رنز بنائے۔

جنوبی افریقہ کی جانب سے وکٹ کیپر بیٹسمین وان ڈائل میک ویٹو نے سن سے سب سے زیادہ 60 رنز اسکور کیے جبکہ جیسن نائمنڈ کے 36 اور جین ڈو پلیسز 21رنز کے ساتھ نمایاں رہے۔

پاکستان انڈر 19کی جانب سے محمدموسیٰ نے 29رنز دے کر 3 جبکہ شاہین شاہ آفریدی نے 30 رنز کے عوض 2 کھلاڑیوں کو آؤٹ کیا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: