سگریٹ کا ٹوٹا پھینکنے پر 500 درہم جرمانہ

دبئی شہر کو صاف رکھنے کیلئے جنگی بنیادوں پر اقدامات کئے جارہے ہیں، سیگریٹ کا ٹوٹا پھینکے پر شہریوں کو 500 سے ایک ہزار درہم تک جرمانے کا سامنا کرنا پڑے گا۔

دبئی شہر کو صاف ستھرا رکھنے کیلئے جنگی بنیادوں پر اقدامات کا سلسلہ جاری ہے، شہریوں کو چھوٹی سی غلطی پر بھی انتظامیہ کی جانب سے بھاری بھاری جرمانوں کا سامنا کرنا پڑ رہا ہے۔

غیر ملکی میڈیا کے مطابق متحدہ عرب امارات نے شہر میں گندگی پھیلانے والوں کو سبق سکھانے کا فیصلہ کرلیا، سگریٹ نوشوں کو خبردار کرنے کیلئے ایک مہم کا آغاز کردیا گیا ہے جس میں انہیں سڑکوں، پارکوں، گلیوں بازاروں اور عوامی مقامات پر سگریٹ کے ٹوٹے پھینکنے سے باز رہنے کی ہدایت کی گئی ہے۔

انتظامیہ کے مطابق اب اگر سگریٹ نوش ٹوٹے عام راستوں اور گاڑی چلاتے ہوئے شاہراہوں پر پھینکیں گے تو ان پر 500 درہم جرمانہ عائد کیا جائے گا، اگر سگریٹ نوش پارکوں، کاروباری مراکز اور شاہراہوں پر سگریٹ کے ٹوٹے پھینکتے ہوئے بلدیہ انسپکٹرز کے ہتھے چڑھ گئے تو انہیں دو گنا جرمانے کا سامنا کرنا ہوگا جبکہ اس غلطی پر دہرانے پر جرمانہ تین گنا کردیا جائے گا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: