‎توہین رسالت کا الزام، طالب علم نے کالج پرنسپل کوقتل کردیا

‎تفصیلات کے مطابق شبقدر کے اسلامیہ کالج کے پرنسپل سریراحمد نے طالب علم فہیم کو کئی دن تک غیر حاضر ہونے پر ڈانٹ پلائی جس پر طیش میں آکر طالب علم نے فائرنگ کرکے پرنسپل کو شدید زخمی کر دیا ۔ فہیم کو تشویشناک حالت میں پشاور منتقل کر دیا گیا جہاں وہ زخموں کی تاب نہ لاتے ہوئے جاں بحق ہوگیا۔

‎ملزم کو ایف سی کے جوانوں نے موقع پر گرفتار کر کے پولیس کے حوالے کر دیا اورتین گھنٹے بعد مقتول کے بھانجے حارث کی مدعیت میں ایف آئی آر درج کر دی گئی ۔

‎زرائع کا کہنا ہے کہ ملزم خادم حسین رضوی کا پیروکار ہے جس نے فیض آباد دھرنے کے دوران کالج سے کئی دن تک غیر حاضری کی جس پر پرنسپل نے فہیم کی ڈانٹ ڈپٹ کی جس پر بات تلخ کلامی تک پہنچ گئی۔لڑائی کے دوران فہیم نے اپنے پرنسپل پر توہین رسالت کا الزام بھی لگایا جسکا نتیجہ اس قتل کی شکل میں سامنے آیا۔

‎گرفتاری کے وقت ملزم نعرے لگا رہا تھا کہ انہوں نے توہین رسالت کے مرتکب کو انجام تک پہنچایا ہے ۔اس حوالے سے ڈی پی او چارسدہ سے رابطے پر معلوم ہوا توہین رسالت کے حوالے سے تاحال کوئی تصدیق نہیں ۔گرفتار ملزم سے تفتیش جاری ہے اور بہت جلد اصل حقائق سامنے آئینگے ۔

‎ پرنسپل کے قتل کے خلاف مقتول کے لواحقین نے شبقدر چوک میں مظاہرہ بھی کیا اور مقتول کو قرار واقعی سزا دینے کا مطالبہ کیا۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: