زینب کا قاتل پکڑا نہیں جاسکا

کمسن زینب کے قتل کو 6 روز گزر گئے ، قاتل اب تک پکڑا نہیں جاسکا ۔

زینب قتل کیس میں ملزم تک پہنچنے کیلئے فارنزک ٹیموں نے مشکوک افرادکےنمونے حاصل کرنے شروع کردیئے۔ پولیس ذرائع کے مطابق زینب کے گھرکے اطراف رہائش پذیر افراد کے بھی ڈی این اے نمونے لیے جارہے ہیں۔

ذرائع کے مطابق ڈی این اے سیمپل حاصل کرنے کے لیے 10 ٹیمیں کام کررہی ہیں، ٹیمیں کسی بھی مشکوک شخص کےنمونے لے سکتی ہیں، 8کیسز میں ایک ہی ملزم کا ڈی این اے میچ ہورہا ہے۔

ملزم کی تلاش میں سرگرداں اداروں کا کہنا ہے کہ معصوم زینب کا قاتل اب زیادہ دیرچھپ نہیں سکےگا،ملزم کی تلاش کیلئے جدید ٹیکنالوجی کی مددحاصل کر لی گئی۔

انہوں نےبتایا کہ زینب قتل کیس میں تحقیقات کا دائرہ وسیع کردیا،فارنزک کی10ٹیمیں علاقے اور شہر بھر میں مشکوک افراد کے ڈی این اےنمونے حاصل کررہی ہیں،زینب کے گھرکے اطراف میں رہائش پذیرافرادکے بھی ڈی این اے نمونے لیے جارہے ہیں۔

ہرفارنزک ٹیم کا سربراہ اے ایس آئی کو بنایا گیا ہے،ان ٹیموں کو اختیارحاصل ہے کہ وہ کسی بھی مشکوک شخص کاڈی این اےلےسکتی ہیں۔

پولیس حکام کاکہناہےکہ زیادتی اور قتل کے8کیسز میں ایک ہی ملزم کا ڈی این اے میچ ہوا ہے،اب ڈی این اے نمونوں کی مدد سے ملزم تک پہنچاجائےگا،گھرانے کےکسی بھی شخص کا ڈی این اے میچ ہوگیاتوپتہ چل جائے گا کہ ملزم کا تعلق اس گھرانے سےہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: