مظاہرین پر فائرنگ، ڈی پی او قصور معطل، جے آئی ٹی تشکیل

وزیراعلیٰ پنجاب نے قصور میں مظاہرین پر فائرنگ کے واقعے کا نوٹس لیتے ہوئے ڈی پی او قصور کو عہدے سے ہٹادیا، تحقیقات کیلئے جے آئی ٹی تشکیل دے دی جس کی سربراہی ایڈیشنل آئی جی پنجاب کریں گے۔ ان کا کہنا ہے بچی کے لواحقین کو انصاف دلانے تک چین سے نہیں بیٹھوں گا، ملزم قانون کی گرفت سے بچ نہیں پائے گا۔

وزیراعلیٰ پنجاب نے قصور میں کمسن بچی زینب سے زیادتی اور قتل کیخلاف احتجاج کرنیوالوں پر پولیس کی فائرنگ کے واقعے کا نوٹس لیتے ہوئے ڈی پی او قصور کو عہدے سے ہٹا دیا، شہباز شریف نے ڈسٹرکٹ پولیس آفیسر کو او ایس ڈی بنادیا۔

خادم اعلیٰ نے قصور واقعے کی تحقیقات کیلئے جے آئی ٹی تشکیل دے دی، تحقیقاتی کمیٹی کی سربراہی ایڈیشنل آئی جی پنجاب کریں گے، جے آئی ٹی کو 24 گھنٹوں میں رپورٹ پیش کرنے کا حکم دیا گیا ہے۔

میاں شہباز شریف کا کہنا ہے کہ قصور میں معصوم زینب سے زیادتی اور قتل کے دلخراش واقعے کی جتنی مذمت کی جائے کم ہے، درندہ صفت ملزم قانون کی گرفت سے بچ نہیں پائے گا، کمسن بچی کے خاندان کو انصاف دلانا میری ذمے داری ہے۔

وہ کہتے ہیں کہ قانون کے مطابق انصاف ہوگا، متاثرہ خاندان کو انصاف کی فراہمی تک چین سے نہیں بیٹھوں گا، جتنا ظلم اور زیادتی ہوئی ہے وہ ناقابل بیان ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: