انفلوئنزا کے مریضوں کی تعداد 74 ہو گئی، 13 جاں بحق

ملتان میں سیزنل انفلوئنزا کے مزید 5 مشتبہ مریض نشتر اسپتال منتقل کیے گئے ہیں 19روزمیں انفلوئنزا مرض کے شبے میں اسپتال پہنچنے والے مریضوں کی تعداد 74ہوگئی جبکہ رواں سیزن میں انفلوائزا وائرس سے 13 افراد جان کی بازی ہار چکے ہیں۔

سیزنل انفلوئنزاسےمتاثرہ افراد کا کہناہےکہ اسپتال میں سہولیات کی کمی ہے اورانہیں دوائیں باہر سے خریدنا پڑرہی ہیں۔

واضح رہے سیزنل انفلوائنزا وائرس مریضوں کے سانس سے تیزی سے ہوا میں پھیلتا ہے۔ بخار، کھا نسی، سردرد، پٹھوں، جوڑوں میں درد، گلے کا خراب ہونا، ناک کا بہنا، پیچیدگی کی صورت میں سانس میں دشواری، سینے میں درد، الٹیاں اور دست اس کی علامات ہیں۔

محکمہ صحت نے سیزنل انفلوائنزا سے بچاؤ کے لیے آگہی مہم شروع کر دی ہے۔

طبی ماہرین کہتےہیں کہ یہ وائرس انسان سے انسان میں منتقل ہوتا ہے، اس لیے کسی کو نزلہ، زکام ہو تو اس کے پاس ماسک پہن کر جائیں، فاصلے پر کھڑے ہوں، اورشہری ہاتھ منہ دھونےکومعمول بنائیں۔

دوسری جانب کچھ روز قبل میاں محمد شہباز شریف کی زیر صدارت اعلیٰ سطح کا اجلاس ہوا تھا جس میں ان کا کہنا تھا کہ موسمی انفلوئنزا سے شہریوں کو محفوظ رکھنے کیلئے ہنگامی بنیادوں پر اقدامات کئے جائیں اور عوام کو باخبر رکھنے کے لیے آ گاہی مہم بھی چلائی جائے۔

اجلاس میں وزیر اعلیٰ پنجاب کامزید کہنا تھا کہ مرض سے بچاؤ کیلئے جنگی بنیادوں پر کام کیا جائے اور اداروں کو ہر قسم کی صورت حال سے نمٹنے کے لیے تیار رہنا چاہیے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: