امریکی صدر ڈونلڈٹرمپ کی دھمکیوں کے بعد واشنگٹن نے مطالبات کی فہرست پاکستان کے حوالے کردی ہے۔
ذرائع کے مطابق ٹرمپ انتظامیہ نے حقانی نیٹ ورک سمیت 27 افراد کو حوالے کرنے کا مطالبہ کیا ہے۔
دنیاٹوڈے کو ذرائع نے بتایا ہے کہ امریکا کا کہنا ہے کہ پاکستان ان افراد کو مار نہیں سکتا تو گرفتار کرکے ہمارے حوالے کر دے۔
ٹرمپ انتظامیہ کا کہنا ہے کہ امریکی مطالبات تسلیم ہونے کے بعد ہی پاکستان سے تعلقات آگے بڑھ سکتے ہیں۔
سفارتی ذرائع کے مطابق ٹرمپ انتظامیہ کی توجہ کا مرکز فی الحال حقانی نیٹ ورک ہے۔
پاکستان کے دیگر مقامی گروپ جن میں لشکرطیبہ اور جیش محمد بھی شامل ہیں ان کو ثانوی لیکن اہم ترجیح میں رکھا گیا ہے۔