دھرنے میں فوج کا کردار ثابت ہوا تو مستعفی ہوجاؤں گا

اسلام آباد دھرنے کے شرکاء میں ہزار ہزار روپے کس کی ہدایت پر بانٹے گئے، سینیٹ کی ہول کمیٹی کے اجلاس میں نام سامنے آگیا، آرمی چیف نے ارکان کے سوالات کا جواب دیتے ہوئے بتایا کہ دھرنے کے شرکاء میں پیسے وزیراعظم کی ہدایت پر تقسیم کئے گئے، دھرنے میں فوج کا کردار ثابت ہوجائے تو استعفیٰ دے دوں گا۔

سینیٹ کی ہول کمیٹی میں سنسنی خیز انکشاف سامنے آگیا، فیض آباد دھرنے کے شرکاء میں ہزار ہزار روپے کس نے بانٹے؟، آرمی چیف نے حقیقت سے پردہ اٹھادیا۔

سینیٹ کی ہول کمیٹی میں بریفنگ کے دوران سینیٹ اراکین نے اسلام آباد میں فیض آباد دھرنے سے متعلق سوالات کئے، آرمی چیف جنرل قمر جاوید باجوہ نے خود جواب دیتے ہوئے بتایا کہ فیض آباد میں مذہبی جماعت کے دھرنے کے شرکاء میں ہزار، ہزار روپے وزیراعظم شاہد خاقان عباسی کی ہدایت پر تقسیم کئے گئے، دھرنے سے متعلق تمام اقدامات سے وزیراعظم آگاہ تھے۔

سربراہ پاک فوج کا کہنا تھا کہ ملک میں جمہوری عمل کے ساتھ کھڑے ہیں،  بیرونی سازشوں کے متعلق جانتے ہیں، فوج اپنی آئینی حدود میں کام کررہی ہے۔

ذرائع کے مطابق مسلم لیگ ن کے سینیٹر مشاہد اللہ نے سوال کیا کہ بتایا جائے دھرنے میں فوج کا کیا کردار تھا؟، کھانا کون فراہم کرتا تھا؟، جس پر آرمی چیف واضح طور پر دھرنے میں فوج کے ملوث ہونے کے الزامات کو مسترد کردیا۔

جنرل قمر جاوید باجوہ بولے کہ دھرنے میں فوج کے ملوث ہونے کے الزامات میں کوئی صداقت نہیں، فوج کا ہاتھ ثابت ہوجائے تو مستعفی ہونے کو تیار ہوں، سعودی عرب جانے سے قبل دھرنے کا معاملہ حل کرنا چاہتے تھے، آئی ایس آئی کو مسئلہ حل کرنے کی ذمے داری سونپی۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: