بر طانیہ، کیرولین طوفان کے بعد برف باری کی وارننگ

برطانیہ کے بہت سے حصوں میں رات بھر برف باری کے بعد ماہرین موسیمیات نے سڑک، ریل اور فضائی سفر کے دوران تعطل کی وارننگ جاری کی ہے۔ محکمہ موسمیات نے کہا ہے کہ مسلسل اور انتہائی برف باری سے اسکاٹ لینڈ کے مختلف حصے، شمالی آئر لینڈ اور شمالی انگلینڈ متاثر ہورہے ہیں۔

شمالی اسکاٹ لینڈ، شمالی آئر لینڈ، ویسٹ مڈ لینڈز اور نارتھ ویلز میں10سے20سینٹی میٹر برف باری ہوسکتی ہے۔ برف باری اور سڑکوں و دیگر علاقوں میں برف جمع ہونے پر محکمہ موسمیات نے محتاط رہنے کیلئے ’زرد‘ وارننگ جاری کی ہے۔ محکمے کا کہناہے کہ برطانیہ بھر اور دیگر متاثرہ حصوں میں 2.5سینٹی میٹر تک برف پڑ سکتی ہے۔

ہفتے کے لیے شمال مشرقی اسکاٹ لینڈ میں بہت زیادہ برف باری کی پیشگوئی ہے۔ قبل ازیں جمعرات کو طوفان کے باعث90میل فی گھنٹہ کی رفتار سے تیز رفتار ہوائیں چلیں۔

جبکہ اسکاٹ لینڈ میں درجنوں اسکولز بند کر دئیے گئے، طوفانی ہوائوں کے باعث تقریباً پانچ سو مکانات بجلی سے محروم ہوگئے۔ بحالی کی ٹیمیں مرمتی کام میں مصروف ہیں۔

ماہر موسمیات کا کہنا تھا کہ رات کے دوران طوفان کے نتیجے میں تیز رفتار ہوائیں چلنے کے باوجود حالات قابو میں رہیں گے۔

محکمہ موسمیات نے قبل ازیں پیشگوئی کی تھی کہ بعض دیہی علاقوں سے برف باری کے باعث رابطہ منقطع ہوسکتا ہے تاہم اس کا اب کہنا ہے کہ طوفان کیرولین کی تیز رفتار ہوائوں نے فن لینڈ،ا سکاٹ لینڈ کے شمال مشرق کے دور دراز علاقوں اور شمالی جزائر کو متاثر کیا ہے۔

Leave a Reply

Your email address will not be published.

x

Check Also

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک یوٹیوبر کو گرفتار کرلیا۔ ملزم مذاق کے نام پر خواتین کو مختلف باتوں پر ہراساں کرتا تھا اور گزشتہ کئی دنوں سے سوشل میڈیا پر اس پر خوب تنقید کی جارہی تھی اور پولیس سے ایکشن لینے کا مطالبہ کیا جارہا تھا۔ ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرلیاگیا ہے۔ گوجرانوالہ پولیس نے لاہور کے علاقے محمود بوٹی میں کارروائی کرکے ملزم محمد علی کو گرفتار کرلیا۔ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے ۔ ایس پی صدر عبدالوہاب کےمطابق ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔ پولیس نے ملزم کے خلاف مقامی شہری کی مدعیت میں مقدمہ درج کرکے کارروائی شروع کردی ہے۔

مزاحیہ ویڈیو کے نام پر خواتین کو ہراساں کرنے والا یوٹیوبر گرفتار

گوجرانوالہ پولیس نےبغیراجازت عوامی مقامات پر ویڈیوز بناکر خواتین کرہراساں کرنے کے الزام میں ایک ...

%d bloggers like this: