سپریم کورٹ نے سابق وزیراعظم نواز شریف کی دوسری آئینی درخواست بھی واپس کردی، عدالت عظمیٰ نے اعتراض لگایا ہے کہ چیمبر آرڈر کیخلاف عدالتی قواعد کے مطابق رجوع کیا جائے۔
سپریم کورٹ آف پاکستان نے پاناما معاملے پر نااہل وزیراعظم کی دوسری آئینی درخواست بھی اعتراض لگا کر واپس کردی، رجسٹرار آفس کا کہنا ہے کہ چیمبر آرڈر کیخلاف عدالتی قواعد کے مطابق رجوع کیا جائے، چیمبر آرڈر کیخلاف آئینی درخواست کا جواز نہیں۔
نیب ریفرنسز کو یکجا کرنے کی درخواست پر اعتراضات کو چیلنج کیا گیا تھا، نواز شریف نے اعتراضات کیخلاف اپیل خارج کرنے کا حکم بھی چیلنج کیا تھا، سابق وزیراعظم نے آئینی درخواست پر لارجر بینچ تشکیل دینے کی استدعا کی تھی۔
واضح رہے کہ اس سے قبل عدالت نے سابق وزیراعظم اور مسلم لیگ ن کے سربراہ نواز شریف کی جانب سے نیب کرپشن ریفرنسز کو یکجا کرنے کی درخواست بھی مسترد کردی تھی
