قومی سلامتی کمیٹی کا 5 اپریل تک تمام تعلیمی ادارے بند رکھنے کا فیصلہ

اسلام آباد: قومی سلامتی کمیٹی نے کرونا وائرس کے باعث ملک بھر کے تعلیمی ادارے 5 اپریل تک بند رکھنے کا فیصلہ کیا ہے۔

وزیراعظم عمران خان کی زیرصدارت قومی سلامتی کمیٹی کا اہم اجلاس ہوا جس میں تینوں مسلح افواج کے سربراہان اور ڈی جی آئی ایس آئی لیفٹیننٹ جنرل فیض حمید سمیت وفاقی وزرا وسیکریٹریز نے شرکت کی۔

قومی سلامتی اجلاس میں کرونا وائرس سے متعلق صورتحال پر غور کیا گیا اور قومی سلامتی کمیٹی نے کرونا وائرس کی روک تھام سے متعلق اہم فیصلے کیے۔

قومی سلامتی کمیٹی کے اجلاس میں فیصلہ کیا گیا کہ افغانستان اور ایران کے دونوں بارڈر دو ہفتوں کے لیے بند رہیں گے۔

اجلاس میں فیصلہ کیا گیا کہ پی ایس ایل کے جو میچز لاہور منتقل کیے گئے ہیں ان میں تماشائیوں کو شرکت کی اجازت نہیں ہوگی اور وہ بند اسٹیڈیم میں کرائے جائیں گے۔

قومی سلامتی اجلاس میں ایئر پورٹس اور بارڈرز پر نگرانی کا عمل سخت کرنے جب کہ لاہور ، کراچی اور اسلام آباد کے علاوہ باقی ایئر پورٹس پر انٹرنیشنل فلائٹس معطل کرنے کا فیصلہ کیا گیا۔

x

Check Also

معاون خصوصی فردوس عاشق اعوان کی کابینہ سے چھٹی ہو گئی

معاون خصوصی فردوس عاشق اعوان کی کابینہ سے چھٹی ہو گئی

معاون خصوصی اطلاعات فردوس عاشق اعوان کو کابینہ سے ہٹا دیا گیا ہے۔ فردوس عاشق ...

%d bloggers like this: