توانائی شعبےمیں سنگین انتظامی و مالی مسائل ورثے میں ملے، وزیراعظم

اسلام آباد: وزیراعظم عمران کا کہنا ہے کہ توانائی شعبے میں سنگین انتظامی و مالی مسائل ورثےمیں ملے، توانائی شعبے کے مسائل کے حل کے لیے ہنگامی اقدامات کر رہے ہیں۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت اجلاس ہوا جس میں ریاستی ملکیتی اداروں کی کارکردگی میں بہتری کے لیے اقدامات کا جائزہ لیا گیا۔

وزارت پٹرولیم، توانائی کی گزشتہ 18ماہ کی انتظامی اصلاحات کی رپورٹ پیش کی گئی، محصولات میں اضافے اور اداروں کی مجموعی کارکردگی کے اقدامات پر بریفنگ دی گئی۔اجلاس میں وزارت توانائی، پٹرولیم کو درپیش مسائل،ان کے حل کے لیے تجاویز کا بھی جائزہ لیا گیا۔

اس موقع پر وزیراعظم عمران خان کا کہنا تھا کہ توانائی شعبے میں سنگین انتظامی و مالی مسائل ورثےمیں ملے، توانائی شعبے کے مسائل کے حل کے لیے ہنگامی اقدامات کر رہے ہیں۔

عمران خان کا کہنا تھا کہ مسائل کے باوجود عوام پر کم سے کم بوجھ ڈالنا ترجیح رہی، مسائل پر قابو پانے کے لیے ہنگامی اقدامات کرنے ہوں گے، اس ضمن میں بھرپور عوامی آگاہی مہم بھی چلائی جائے۔

انہوں نے کہا کہ عوام کو مسائل کی نوعیت اور حکومتی کوششوں پر اعتماد میں لیا جائے، بجلی وگیس کی چوری میں ملوث عناصر کو قانون کی گرفت میں لانا ہوگا، عوام کی مدد سے ایسے عناصر کی نشاندہی ضروری ہے۔

وزیراعظم کا کہنا تھا کہ محض انتظامیہ کی سطح پر تبدیلیاں موجودہ صورت حال کے پیش نظر ناکافی ہوں گی، ہر سطح پر بہترین پروفیشنلز اور ٹیکنالوجی کے ماہر افراد کی خدمات حاصل کرنا ہوں گی، موجودہ مسائل کے حل کے لیے بہترین افرادی قوت کو بروئے کار لائی جائے۔

x

Check Also

نواز شریف، آصف زرداری اور دیگر سیاستدانوں کے 80 کرپشن کیسز بحال

نواز شریف، آصف زرداری اور دیگر سیاستدانوں کے 80 کرپشن کیسز بحال

سلام آباد:مسلم لیگ ن کے قائد میاں محمد نواز شریف،سابق صدر آصف علی زرداری اور ...

%d bloggers like this: