دنیا بھر میں تیزی سے پھیلنے والی مختصر ویڈیو کی ایپلکیشن ٹک ٹاک پر ایک اور جان لیوا چیلنج ٹرینڈ بن گیا، جس پر والدین نے شدید تشویش کا اظہار کیا ہے۔
غیرملکی خبررساں ادارے کی رپورٹ کے مطابق ٹک ٹاک پر آئے روز نئے چیلنجز متعارف کرائے جاتے ہیں جو کئی بار نوجوانوں کی موت کا سبب بھی بنتے ہیں، حالیہ دنوں میں بھی ایسا چیلنج ٹرینڈ بنا ہوا ہے جس سے جان بھی جاسکتی ہے۔
رپورٹ کے مطابق مذکورہ چیلنج بڑی مقدار میں نمک کو پھانکنا ہے۔ ڈاکٹر اور ماہرین نے خبردار کیا ہے یہ حرکت ناصرف معدے کو نقصان پہنچا سکتی ہے بلکہ جسم کی برداشت ہار مان جائے تو موت بھی موقع ہوسکتی ہے۔
ٹک ٹاک پر اس چیلنج پر سیکڑوں صارفین ویڈیوز بناچکے ہیں۔ وائرل ہونے والی متعدد ویڈیوز میں منچلوں کی حالت غیر بھی ہوئی۔ اس کی وجہ نمک کی بڑی تعداد کا پیٹ میں محلول نہ ہونا ہے۔
خیال رہے کہ کئی صارفین نے اس ٹرینڈ اور چیلنج کو گھٹا ترین قرار دیا۔ سوشل میڈیا پر ایک صارف نے لکھا کہ اس قسم کا ٹرینڈ نقصان دہ اور کئی بیماریوں کو سبب بھی بن سکتا ہے۔
