پاکستان سپر لیگ میں آج دو میچ کھیلے جائیں گے جہاں پہلے میچ میں ملتان سلطانز اور کراچی کنگز مدمقابل ہوں گی جبکہ دوسرے میچ میں لاہور قلندرز کا مقابلہ پشاور زلمی سے ہو گا۔
پاکستان کے سپر لیگ کے دوسرے مرحلے میں آج دو میچز کھیلے جائیں گے اور ملتان اور راولپنڈی ایک، ایک میچ کی میزبانی کریں گے۔
پہلے میچ میں ملتان سلطانز کا مقابلہ کراچی کنگز سے ہو گا اور یہ میچ ملتان کرکٹ اسٹیڈیم میں کھیلا جائے گا۔
راولپنڈی میں آج بارش کا امکان ہے جس کے سبب میچ کے بارش سے متاثر ہونے کا اندیشہ ہے۔
ممکنہ بارش کے پیش نظر راولپنڈی کرکٹ اسٹیڈیم میں نکاسی آب کے لیے ٹیمیں متحرک ہیں تاکہ میچ کو بارش کی صورت میں میچ کو متاثر ہونے سے بچایا جا سکے۔
پاکستان کرکٹ بورڈ کا کہنا ہے کہ میدان اور پچ کی کنڈیشن دیکھ کر آج کا میچ کھیلے جانے کا فیصلہ کیا جائے گا۔
پوائنٹس ٹیبل پر کوئٹہ گلیڈی ایٹرز کی ٹیم تین میچ جیت کر سرفہرست ہے جبکہ تین میچوں میں دو فتوحات کے ساتھ سلطانز دوسرے نمبر پر موجود ہیں۔
اسلام آباد کی ٹیم دو میچوں میں دو فتوحات اور اتنی ہی شکستوں کے سبب تیسرے نمبر پر ہے جبکہ ایک ایک میچ میں فتح حاصل کجرنے والی کراچی کنگز اور پشاور زلمی کا بالترتیب چوتھا اور پانچواں نمبر ہے۔
لاہور قلندرز کو دونوں میچوں میں شکست ہوئی اور وہ پوائنٹس ٹیبل پر آخری نمبر پر موجود ہیں۔
