کروناوائرس: وہ 5 ممالک جہاں اماراتی شہریوں کے جانے پر پابندی عائد

ابوظہی: متحدہ عرب امارات نے کروناوائرس کے خطرے کے پیش نظر اپنے شہریوں کو ایسے پانچ ممالک کا دورہ کرنے سے منع کردیا جہاں مہلک وائرس پایا جاتا ہے۔

غیرملکی خبررساں ادارے کی رپورٹ کے مطابق اماراتی شہریوں پر جن ممالک کے دورے پر پابندی ہے ان میں جنوبی کوریا، اٹلی، چین، ایران اور تھائی لینڈ شامل ہے۔

اماراتی وزارت خارجہ کا کہنا ہے کہ کروناوائرس کے خطرے کے باعث اپنے اٹلی میں پھنسے شہریوں کو واپس لانے کے لیے بھی خصوصی پلان تشکیل دیا گیا ہے، ممکنہ طور پر آج جعرات کو خصوصی پرواز چلائی جائے گی۔

دوسری جانب متحدہ عرب امارات کی مقامی ہوائی کمپنیوں نے ایران کے لیے تمام پروازیں معطل کردی ہیں۔

محکمہ شہری ہوا بازی کا کہنا تھا کہ وقتی طور پر بحرین کے لیے بھی پروازیں معطل کی جارہی ہیں، جن مسافروں کے پاس معطل کی جانے والی پروازوں کی ٹکٹیں ہیں وہ واپس کرسکتے ہیں۔ خیال رہے کہ دنیا بھر میں جان لیوا کروناوائرس تیزی سے پھیل رہا ہے۔ جبکہ مذکورہ وائرس پاکستان میں بھی منتقل ہوچکا ہے۔

واضح رہے دو ماہ کے دوران چین میں وائرس 2700 سے زائد افراد ہلاک جبکہ اٹہتر ہزار افراد متاثر ہوئے جبکہ 38ممالک میں کروناوائرس سے متاثرہ افراد کی تعداد81ہزار ہے۔

x

Check Also

پریانتھا کی والدہ کے میت سے لپٹ کر رونے کے رقت آمیز مناظر، تصاویر سامنے آگئیں

پریانتھا کی والدہ کے میت سے لپٹ کر رونے کے رقت آمیز مناظر، تصاویر سامنے آگئیں

سیالکوٹ میں مشتعل ہجوم کے ہاتھوں قتل ہونے والے فیکٹری کے سری لنکن منیجر پریانتھا ...

%d bloggers like this: