سانحہ تیزگام سے متعلق نازیبا الفاظ پر فردوس شمیم نقوی کی معذرت

سانحہ تیزگام سے متعلق نازیبا الفاظ پر فردوس شمیم نقوی کی معذرت

میرپورخاص: سانحہ تیزگام سے متعلق نازیبا الفاظ استعمال کرنے پر پاکستان تحریک انصاف (پی ٹی آئی) کے رہنما و سندھ اسمبلی میں اپوزیشن لیڈر فردوس شمیم نقوی نے معذرت کرلی۔

پی ٹی آئی رہنما فردوس شمیم نقوی سانحہ تیز گام میں جاں بحق ہونے والے افراد کے لواحقین سے تعزیت کے لیے میرپورخاص کی مسجد نبی رحمت پہنچے تھے جہاں تعزیت کے دوران پی ٹی آئی رہنما نے کہا کہ یہ واقعہ ’جہالت‘ کے باعث پیش آیا۔

فردوس شمیم نقوی کے الفاظ پر وہاں موجود لوگ مشتعل ہوگئے تھے اور شدید احتجاج کرتے ہوئے انہیں مسجد سے باہر نکال دیا تھا تاہم اب سندھ اسمبلی میں اپوزیشن لیڈر فردوس شمیم نقوی نے سانحہ تیزگام میں جاں بحق افراد کے لواحقین سے معذرت کرلی ہے۔ 

فردوس شمیم نقوی کا کہنا تھا کہ مجھے سیلنڈر کے معاملے پر بہتر الفاظ استعمال کرنے چاہیے تھے، میں نے صرف معاشرے میں خرابی کا ذکر کیا تاہم میرے بیان سے کسی کی دل آزاری ہوئی تو معافی چاہتا ہوں۔

واضح رہےکہ گزشتہ روز رحیم یار خان کے قریب تیزگام ایکسپریس کی تین بوگیوں میں آگ لگنے سے 74 افراد جاں بحق اور 30 سے زائد زخمی ہوئے جبکہ آتشزدگی کے حوالے سے دو الگ الگ باتیں سامنے آرہی ہیں جن میں آگ لگنے کی وجہ سیلنڈر دھماکا اور شاٹ سرکٹ بھی بتائی جارہی ہے۔

x

Check Also

نواز شریف، آصف زرداری اور دیگر سیاستدانوں کے 80 کرپشن کیسز بحال

نواز شریف، آصف زرداری اور دیگر سیاستدانوں کے 80 کرپشن کیسز بحال

سلام آباد:مسلم لیگ ن کے قائد میاں محمد نواز شریف،سابق صدر آصف علی زرداری اور ...

%d bloggers like this: