سیکسی کہنے پر ٹینس امپائر پر پابندی

انٹرنیشنل ٹینس فیڈریشن نے ٹورنامنٹ کے دوران بال گرل کے لیے نازیبا الفاظ کے استعمال اور ضابطہ اخلاق کی خلاف ورزی پر امپائر پر پابندی لگا کر ان کے خلاف تحقیقات کا آغاز کردیا ہے۔

یہ واقعہ گزشتہ ہفتے اٹلی میں جاری اے ٹی پی کے مردوں کے ٹورنامنٹ کے دوسرے میچ کے دوران پیش آیا جبکہ اسی میچ کے دوران امپائر ایک اور کھلاڑی کے خلاف ضابطہ اخلاق کی خلاف ورزی کے مرتکب بھی قرار پائے۔

سوشل میڈیا پر جاری ویڈیو میں امپائر گیان لوکا موسکاریلا کو بال گرل کے خلاف نازیبا زبان اور ذومعنی الفاظ کا استعمال کرتے ہوئے دیکھا جا سکتا ہے۔

انہوں نے بال گرل سے کہا کہ ‘تم بہت سیکسی ہو’ اور پھر پوچھا کہ ‘کیا تم ذہنی و جسمانی طور پر ہاٹ ہو یا پھر دونوں ہو؟’۔

یہ واقعہ چیلنجر ٹور میں پیڈرو سوزا اور اینریکو دلا ویلے کے میچ کے دوران پیش آیا جہاں انہوں نے ایک ٹوائلٹ بریک کے دوران کھلاڑی کی غیرموجودگی میں دوسرے کی حوصلہ افزائی کی اور اسے ہدایات بھی دیں۔

اے ٹی پی کی جانب سے جاری بیان میں کہا گیا کہ ہمیں پیڈرو سوزا اور اینریکو دلا کے درمیان میچ میں پیش آنے والے واقعات کے بارے میں علم ہے، جیسے ہی ہمیں اس بارے میں علم ہوا تو ہم نے فوری طور پر موسکاریلا کو ٹورنامنٹ سے برطرف کردیا تھا۔

بیان میں کہا گیا کہ موسکاریلا کو عبوری طور پر معطل کردیا گیا ہے اور تفتیش شروع کردی گئی ہے۔

سوزا نے دوسرے راؤنڈ کے میچ میں 5-7، 6-4، 4-6 سے شکست دے کر فتح حاصل کی لیکن میچ کے دوران امپائر موسکاریلا نے انہیں لقمہ دیتے ہوئے میچ پر توجہ دینے کی ہدایت دی تھی۔

‘میرے پیارے پیڈرو، براہ مہربانی اپنے کھیل پر توجہ دو’۔

یہ پہلا موقع نہیں کہ کسی ٹینس امپائر کو ضابطہ اخلاق کی خلاف ورزی پر معطلی اور سزا کا سامنا کرنا پڑا ہو بلکہ اس سے قبل گزشتہ سال یو ایس اوپن میں آسٹریلیا کے نک کریگوس کی حوصلہ افزائی پر امپائر محمد لاحیانی پر 2سال کی پابندی عائد کردی گئی تھی۔

x

Check Also

اسد شفیق کی لگاتار دوسری سنچری، ٹور میچ میں پاکستان کی زبردست بیٹنگ

بلے باز اسد شفیق نے آسٹریلیا کے خلاف ٹیسٹ سیریز سے قبل شاندار فارم کا ...

%d bloggers like this: