ایران سعودی عرب جنگ دنیا کی معیشت کی تباہی کے مترادف ہوگی

ایران سعودی عرب جنگ دنیا کی معیشت کی تباہی کے مترادف ہوگی

سعودی عرب کے ولی عہد محمد بن سلمان نے خبردار کیا ہے کہ سعودی عرب کی ایران کے ساتھ جنگ ’دنیا کی معیشت کی تباہی‘ کے مترادف ہوگی۔

امریکی نشریاتی ادارے کو انٹرویو دیتے ہوئے سعودی ولی عہد محمد بن سلمان نے کہا کہ سعودی تیل تنصیبات پر حالیہ حملوں کے بعد اگر دنیا مل کر ایران سے منسلک خطرات کا مقابلہ نہیں کرتی تو تیل کی قیمتوں میں ناقابلِ یقین حد تک اضافہ ہوسکتا ہے، تیل تنصیبات پر حملوں کا سیاسی حل چاہتے ہیں۔

انہوں نے ایران کو تنقید کا نشانہ بنایا اور سعودی تیل تنصیبات پر ڈرون حملوں کو ایک ‘’حماقت‘ قرار دیا۔

ان کا کہنا تھا کہ اگر دنیا ایران کو روکنے کے لیے مضبوط اور جامع اقدامات نہیں لیتی تو اس طرح کے مزید حملوں سے تیل کی سپلائی تعطل کا شکار ہو سکتی ہے۔

محمد بن سلمان نے کہا کہ تیل کی قیمتوں میں ناقابلِ یقین حد تک اضافہ ہو سکتا ہے، کوئی احمق ہی دنیا کی 5 فیصد تیل سپلائی پر حملہ کرے گا، ان کا مقصد صرف اپنے آپ کو احمق ثابت کرنا ہے جو انہوں نے کیا بھی ہے۔

سعودی ولی عہد نے مزید کہا کہ سعودی عرب کی ایران کے ساتھ جنگ ’دنیا کی معیشت کی تباہی‘ کے مترادف ہوگی۔

x

Check Also

'بھارتی حکومت سکھوں کو کرتارپور آنے سے روک رہی ہے'

‘بھارتی حکومت سکھوں کو کرتارپور آنے سے روک رہی ہے’

ورلڈ سکھ پارلیمنٹ کے صدر جوگت سنگھ نے کہا ہے کہ بھارتی حکومت سکھوں کو کرتارپور ...

%d bloggers like this: