ملک بھر میں کہیں بھی صفر کا چاند نظر نہیں آیا اس لیے یکم صفر یکم اکتوبر بروز منگل ہو گا۔
کراچی میں مرکزی رویت ہلال کمیٹی کے اجلاس کے بعد مفتی منیب الرحمان نے باضابطہ اعلان کردیا۔
مرکزی رویت ہلال کمیٹی کے مطابق شہدائے کربلا کا چہلم بیس اکتوبر بروز اتوار ہوگا۔
فواد چودھری کا کیلنڈر غلط نکلا
رویت ہلال کمیٹی کے اعلان کے ساتھ ہی وزیر سائنس اینڈ ٹیکنالوجی فواد چودھری کا جاری کیا گیا دو ہزار انیس کا اسلامی کیلنڈر بھی غلط ثابت ہوگیا۔
فواد چودھری نے وزارت سائنس اور ٹیکنالوجی سنبھالتے ہی اسلامی مہینوں کا کیلنڈر تیار کرنے کا اعلان کیا تھا اور ان کا کہنا تھا کہ رویت ہلال کمیٹی کی کوئی ضرورت نہیں ہے۔
حکومتی کی ویب سائٹ پاک مون سائٹنگ پر اپ لوڈ کیے گیے کیلنڈر کے مطابق یکم صفر کل یعنی تیس ستمبر بروز سوموار کو ہونا تھی۔
