بھکرسے232اشتہاری گرفتار،7گاڑیاں ،اسلحہ برآمد

بھکر(صاحبزادہ سلیمان خان) ڈی پی او خرم شکور کی ہدایت پر پولیس نے اگست کے دوران مختلف مقامات پر چھاپے مار کر ریکارڈ 232اشتہاری ملزمان کو گرفتار کیا۔

بھکر میں پریس کانفرنس کرتے ہوئے ڈی پی او خرم شکور نے میڈیا کو بتایا کہ منشیات فروشوں کے خلاف کریک ڈاؤن کے دوران 1105 گرام ہیرؤن، 145 گرام چرس اور 1121 لیٹر شراب برآمد کر کے ملزموں کے خلاف مقدمات درج کیے ہیں۔ جوئے کے متعدد ٹھکانوں پر چھاپے مار کر ملزموں سے موبائل فونز،نقدی،ٹی وی اور موٹر سا ئیکلز قبضے میں لیے گئے۔ مختلف کارروائیوں میں 106 عادی مجرموں سمیت 29 دیگر ملزموں کو حراست میں لیا گیا۔

ڈی پی او خرم شکور نے میڈیا کو بتایا کہ ضلع بھر میں مساجد، چرچ سمیت دیگر مذہبی مقامات اور بینکوں کی سیکیورٹی بڑھا دی ہے۔ جس سے امن و امان کی صورتحال میں بہتری آئی ہے۔ڈی پی او خرم شکور نے کہا کہ علاقے میں شہریوں کے جان و مال کا تحفظ ان کی اولین ترجیح ہے۔ان کے دروازے ہر خاص و عام کے لیے چوبیس گھنٹے کھلے ہیں۔

Leave a Reply

Your email address will not be published.

x

Check Also

مریم نواز کو سمیش کرنے کی دھمکی دینے والا میجر جنرل عرفان ملک سپر سیڈ

پاک فوج میں تین میجر جنرلز کو ترقی دے کر لیفٹننٹ جنرل بنا دیا گیا ...

%d bloggers like this: