کراچی سے بیلٹ پیپرز ملنے کا ایک اور واقعہ سامنے آگیا

کراچی کے علاقے گزری کے سرکاری اسکول سے سینکڑوں بیلٹ پیرز برآمدہوئے ہیں۔یہ بیلٹ پیپرز قومی اسمبلی کے حلقہ این اے 247 اور صوبائی اسمبلی کے حلقہ پی ایس 111 کے ہیں۔

پی پی پی رہنما اور کراچی ڈویژن کے صدر سعید غنی کا کہنا تھا کہ اسکول سے ملنے والے بیلٹ پیپرز کی تعداد 154 ہے جن میں سے 118 پر تیر کے نشان پر مہر لگی ہوئی ہے جبکہ ایک بھی بیلٹ پیپر پر بلے کے نشان کی مہر نہیں۔

انہوں نے مزید کہا کہ اسکول کھلنے کے بعد بیلٹ پیپر ملے ،اس طرح بیلٹ پیپرز ملنا تشویشناک ہے جبکہ کئی بیلٹ پیپرز پر دیگر سیاسی جماعتوں کے امیدواروں کو بھی ووٹ دئیے گئے ہیں۔

ادھر بلاول بھٹو کے میڈیا کنسلٹنٹ عمر قریشی کا کہنا ہے کہ این اے 247 گزری میں سرکاری اسکول سے بیلٹ پیپرزملے ہیں بیلٹ پیپرزپر تیر کے نشان پر ٹھپہ لگا ہوا ہے ۔

واضح رہے کہ چند روز پہلے بھی قیوم آباد کے علاقے میں کچرا کنڈی سے بیلٹ پیپرز برآمد ہوئے تھے جنہیں آگ لگائی گئی تھی۔

Leave a Reply

Your email address will not be published. Required fields are marked *

*

x

Check Also

پی ٹی آئی کا ق لیگ سے اتحاد ضروری، آصف کمبوہ

لاہور(اے ایف چودھری) لاہور ہائی کورٹ بار کی پریزنر ویلفیئر کمیٹی کے کوآرڈی نیٹر چوہدری محمد آصف کمبوہ ایڈووکیٹ نے دنیا ٹوڈے سے ...