معروف سوشل ایپ انسٹا گرام نے پرائیویسی سیٹنگز میں تبدیلی سے متعلق اہم فیچر متعارف کروا دیا۔
انسٹاگرام نے اپنی پرائیویسی سیٹنگ میں تبدیلی کرلی ہے۔ نئی تبدیلی کے تحت اس سوشل ایپ کو استعمال کرنے والے صارفین کے فالوورز اب یہ دیکھ سکیں گے کہ متعلقہ صارف آن لائن ہے یا نہیں۔
پرائیویسی سیٹنگ کے تحت اس سے قبل یہ فیچر فیس بک اورواٹس ایپ صارفین کے لیے دستیاب تھا جسے اب انسٹا گرام استعمال کرنے والوں کیلئے بھی فراہم کردیا گیا ہے۔
بہت سے صارفین کا کہنا ہے کہ یہ پرائیویسی میں داخل اندازی ہے لیکن اچھی بات یہ بھی ہے کہ صارفین اپنی مرضی کے مطابق اس فیچر کو آن یا آف رکھ سکتے ہیں۔ اتنا ضرور ہو گا کہ اگر کوئی صارف اپنے اکاؤنٹ میں اس فیچر کو آف رکھتا ہے تو پھر وہ دوسرے دوستوں کو بھی چیک نہیں کرسکتا کہ وہ آن لائن ہیں یا آف لائن
