شاہ رخ خان کے بعد اب ان کے بچے بھی خبروں کی زینت بننے لگے ہیں۔ بالخصوص کنگ خان کی بیٹی سہانا خان تو کئی مرتبہ اپنی بہترین فیشن سینس اور خوبصورت شخصیت کے باعث میڈیا کی توجہ کا مرکزی رہی ہیں۔
مداحوں نے انہیں اسکرٹ، جینز اور اس طرح کے دیگر ویسٹرن ڈریسز میں تو دیکھا ہی ہے اب آپ انہیں دیسی اسٹائل کے فیشن میں بھی دیکھ سکیں گی۔ ان کے اسی دیسی ’لک‘نے انٹرنیٹ پر دھوم مچا دی ہے۔
حال ہی میں سہانا خان نے اپنی والدہ گوری خان کے ہمراہ خاندان میں ہونے والی ایک شادی کی تقریب میں شرکت کی جس میں وہ لہنگا پہن کر شریک ہوئیں ۔
ان کی تصاویر سوشل میڈیا پروائرل ہو گئی ہیں۔ ہمیشہ کی طرح انہوں نے اپنے لئے بہترین لباس کا انتخاب کیا اور ’میلہ‘ لوٹ لیا۔