Ishaq Dar

مشکل میں پھنسے اسحاق ڈار کو ریلیف مل گیا

اسلام آباد ہائی کورٹ کا بڑا حکم، اسحاق ڈار کے خلاف نیب ریفرنس پر حکم امتناع جاری کردیا، احتساب عدالت کو 17 جنوری تک کارروائی سے روک دیا۔ جسٹس اطہر من اللہ نے ریمارکس دیئے کہ واحد ملزم کی غیر موجودگی میں ٹرائل کیسے چلے گا؟۔

آمدن سے زائد اثاثے بنانے کا ریفرنس، مشکل میں پھننسے اسحاق ڈار کو عارضی ریلیف مل گیا، اسلام آباد ہائیکورٹ نے اشتہاری قرار دینے اور ناقابل ضمانت وارنٹ کیخلاف درخواست پر حکم امتناع جاری کرتے ہوئے احتساب عدالت کو 17 جنوری تک ریفرنس پر کسی بھی قسم کی کارروائی نہ کرنے کی ہدایت کردی۔

سماعت کے دوران وکیل صفائی نے مؤقف اختیار کیا کہ سیکشن 514 کے تحت احتساب عدالت میں شہادتیں ریکارڈ ہورہی ہیں، تاثر دیا جارہا ہے کہ ڈار صاحب عدالتی کارروائی سے بھاگ رہے ہیں حالانکہ وہ ٹرائل کیلئے صرف اپنا نمائندہ مقرر کرنے کی اجازت مانگ رہے ہیں۔

جسٹس اطہر من اللہ نے استفسار کیا کہ واحد ملزم کی غیر موجودگی میں ٹرائل کیسے چلے گا؟، سیکشن 540 اے کے تحت استثںیٰ دیا جاسکتا ہے۔ جسٹس میاں گل حسن بولے جمع کرائی گئی میڈیکل رپورٹس پر کوئی عدالت استثںٰی نہیں دے گی۔

عدالت عالیہ نے ہی الیکشن ایکٹ میں ترمیم اور نواز شریف کو دوبارہ پارٹی صدر بنانے کیخلاف درخواست پر سماعت کی، جواب کیوں نہیں جمع کرایا؟، عدالت نے فریقین پر برہمی کا اظہار کردیا، جواب داخل کرانے کی ہدایت کرتے ہوئے سماعت 30 جنوری تک ملتوی کردی

Leave a Reply

Your email address will not be published. Required fields are marked *

*

x

Check Also

لاہورہائیکورٹ نے گورنر ہاﺅس کی دیوار گرانے سے روک دیا

لاہورہائیکورٹ نے گورنر ہاؤس کی دیوار گرانے سے روک دیا

لاہور ہائیکورٹ نے حکومت کو گورنر ہاﺅس کی دیواریں گرانے سے روک دیا،عدالت نے ریمارکس ...