الیکشن بروقت کرانے کی راہ ہموار، سینیٹ نے بھی حلقہ بندیوں سے متعلق آئینی ترمیمی بل کثرت رائے سے منظور کرلیا۔
وفاقی وزیر پارلیمانی امور شیخ آفتاب نے آئینی ترمیمی بل سینیٹ میں پیش کیا، 84 ارکان نے بل کی حمایت جبکہ مسلم لیگ ق کے کامل علی آغا نے مخالفت میں ووٹ دیا۔
بل کے تحت قومی اسمبلی کی مجموعی نشستوں میں کوئی تبدیلی نہیں ہوگی، پنجاب کی قومی اسمبلی کی 9 نشستیں کم ہو جائیں گی، خیبر پختونخوا کی قومی اسمبلی کی 5 نشستیں بڑھ جائیں گی، بلوچستان کی 3 اور اسلام آباد کی ایک نشست کا اضافہ ہوگا۔
ایوان نے کامسیٹس انسٹیٹیوٹ آف انفارمیشن ٹیکنالوجی اسلام آباد کو یونیورسٹی کا درجہ دینے کا بل بھی منظور کرلیا